AFAR REVOLUTIONARY DEMOCRATIC UNITY FRONT (ARDUF) QAFÁR UGUUGUMÓH DEMOKRAASIYYÓH INKIINÓH FÓOCA QAFÁR UGUUGUMÓ

MAYSAXXAGA!!!


#REEDA GABAL KAK HAAN XAGAR MAYAN, GABAL HAYTA EXXA MATAN!


Itiyoppiyal Milaagi geytiminnaanih waqdi, Sanat 1974 akah tekkê nah, Sanat 1991 akah nublé innah Milaagu fanak qaawtá Buttá mawaytimtá. Tatre Sidiica Liggidih addat, Itiyoppiyal Oromô Qunxaaneyti (QEEROO), Amcari Qunxaaneyti (FAANOO), Guraage Qunxaaneyti (ZARMA), deqsite, Itiyoppiyal demokraasi Milaagu baahóonuh yengecilléenih, Milaagi yeemteh. Milaagut mataraah, Milaagu qaawa mari, uxi kinnî way, yamaate Milaagu qawóonuh becat yanim tambullé.


Ta laqo, qaku yaallóonu, kulsa yaallóonu, (XUKKO-CINA) deqsita, Qafár Qunxaaneyti Milaagu faxa. Usun baaxól yanin. Sinni Ummattâ lih yanin. Ken angaagoyyí kaadu baaxól akkuk geytimá. XUKKU-CINA faxxáah, essertam demkoraasi milaaguy, Itiyoppiyak, kulli Rakaakayal akkúk geytima, Qafár Rakaakayal kaadu yakkay yaanamá. Qafár Killilih miraacinni, Qafár sinni fayxiik dooritte, Barte Qunxaaneytay faxxiima milaagu baahu duuda, Qafar miraacisay yaanama. Rakaakayal, meqe xinissóo kee qadli, salaam kee saay geysiisu duuda miraacinnuy ixxiga ley, Qafar Kaslee kee (nadol baxsekal) Quxaaneyti mablaa kee gabah assagólla fanteena abu duuda faxxiimá yaanama. Ta laqó, Qafár eddé tan calway kee wadir raq uma caalatak, Qafár yayse caalat milaagak, keddiimanuu kee baxaa baxsi xintok, inkiinóo kee sittâ lih aalliyyí xintol kurisu duudá barte miraacinni faxxiimam esserta, XUKKU-CINA. Tah ARDUF mangó udduruh esserak marteemi, uxih essertaamá.


Aki kabuk kaadu, Qafár im ni Gabal haa innéeh, ni Gabal heelóonu iyyá maray yammaraddé naabbe. Tonná kinnúk kaadu, XUKKO-CINA, nanu abbisna iyyá mari yamaggu waam net celta. ARDUF, Qafár Quxaaneytah, Garci kalóotuh tatrussam; ganó lakat le loowitih gaci akke waytaanama. Tawak radda, Kot Kooli Koqsô digiril aylahite waytaanama. Cubbi keenik abittaanama, siinik inta ARDUF. Tah duma, UGUUGUMOK net abeenim kinnim neexegek sa, sin kassisna. Ta laqó nable Milaagi silaytuy Dr. Qabiy Acmad afiitisak Afiito, Qafár Qaadah Abbobti kattu, raqte Itiyoppiyah Ummattáh Qaadah Abbobti takku, Afiito gabal akak haan Qaadah-Aboobti matan. Kalah kaadu, Afiito gabal akak haan Siiyaasa Massoynaani (Patiita) Saqol ane lem ma nakkala. Anek wée akké lem, “Ummattá sin doortek, saytun booxay sinaamah inki gide takke fiikenno" iyyaanam sinam siinik intam Qafarey! Toh akke waytek, Reeda Gabal kak haan xagar mayan, Reeda Gabal hayta exxa matan!


MAYSÓ QAFAR UGUUGUMÓH IIMI
UGUUGUMÓK FANTI MAKAADÓ


Qafar Rakaakayaka:
Ayrok, Sabti.
Taarik: 28/07/2018:
Email: [email protected]